Тәуелсіздік күнімен орайластырып Жұмыскер селолық округі ерекше шара өткізді.
И.Тайманов атындағы орта мектептің ауласында ескерткіш тақта ашылды. Мұнда Жұмыскер ауылдық округі бойынша Отан соғысынан оралмағандар мен соғысқа қатынасқан майдангерлердің тізімі көрініс тапқан. Барлығы 157 адамның 40-ы екінші дүниежүзілік соғыстан оралмаған боздақтар.
Ескерткіш тақтаның ашылу рәсіміне қатынасқан қала әкімінің орынбасары Гүлмира Шәкірованың айтуынша, бұл бүгінгі тәуелсіз ел ұрпақтарының алдыңғы буын аға-апаларына жасаған үлкен құрметі. Өткенсіз келешек болмайтынын кешегі жиында өзге қатынасушылар да айтып жатты.
Бек АЙДАРАЛИ.
