М.Әуезов көшесіндегі көлік қозғалысына уақытша шектеу қойылады

Атыраудағы М.Әуезов көшесіндегі көлік қозғалысына уақытша шектеу қойылады. Бұл туралы қалалық әкімдіктің баспасөз қызметі хабарлады.

Уақытша шектеу М.Әуезов көшесіндегі теміржол өткелі учаскесі маңында диаметрі 530 мм. магистральды жылу жүйелерінің құрылыс-монтаждау жұмыстарының жүргізілуіне орай қабылданып отыр. Жөндеу 11-12 қараша күндері, сағат 09:00-18:00 аралығында М.Әуезов көшесі бойындағы айналма жолдан бастап, М.Әуезов көшесіндегі теміржол өткеліне дейінгі аралықта жүргізілмек.

Қала тұрғындарынан жол бағыттарын алдын-ала жоспарлауға және көлік қозғалыстарына енгізіліп отырған уақытша шектеулерге түсінікпен қараулары сұралады.

Айқара Ғұмар