Кен орнынан алты жұмысшының денесі табылды

Іздестіру-құтқару жұмыстары барысында құтқарушылар «Қазақмыс корпорациясы» ЖШС-нің алты жұмысшысының денесін тапты. Қазір олардың жеке басы анықталуда. Бұл туралы республика Төтенше жағдайлар министрлігінің ресми ақпараттық ресурсы хабарлады.

Оқиғаның барлық мән-жайын зерттеу үшін тергеу амалдары жүргізілуде.

Құтқарушылар жетінші жұмысшыны іздеу жұмыстарын жалғастыруда.

Оқиға орнында аталған министрліктің күштері мен құралдары жұмыс істеуде.

А.ҚҰРМАШЕВА

Сурет: atr.kz