Көзі жойылған лаңкестер

ТҮРКИЯ. Ел әскері бір тәулік ішінде Сириядағы 32 лаңкестің көзін жойды. Олардың барлығы – «Ирак пен Левант лаңкестік тобының» жендеттері.

Жауынгерлер сондай-ақ, содырлардың үш жүзге жуық нысанын шабуылдаған. Айта кеткен жөн, түрік қарулы күштері былтыр 24 тамызда Сирияның солтүстігінде «Евфрат қалқаны» атты әскери операцияны бастаған болатын. Оның аясында екі ел шекарасындағы өңір лаңкестерден азат етіліп, босқындар үшін қауіпсіз аймақ құру көзделіп отыр.