Индонезия жұмысшылары бас көтерді

Елде жаппай қымбатшылықтың етек алуымен байланысты жалақы мөлшерінің арттырылуын талап еткен Индонезияның жүздеген жұмысшылары да бас көтеріп, екі күндік наразылық шеруіне шықты.

Негізінен алғанда, бұл мемлекеттің экономикасы соңғы жылдары біртіндеп көтеріліп, соған сәйкес жұмысшылар да пайдаға кенеліп келеді. Дегенмен, одан қолдарына жарытымды ештеңе тимегендіктен олардың осындай әрекетке барып отырғандығы белгілі болды. Осылайша, инфляция мен жанармай бағасының қымбатшылығын төмендету үшін индонезиялықтар қазіргі еңбекақыларының 50 пайызға дейін өсіріліп, белгілі бір сомада өтемақы төленуін қалайды.