Халықаралық суретшілер симпозиумы өтті
«Сұлулық әлемді құтқарады» деген атаумен Атырау қаласында халықаралық суретшілер симпозиумы өтті.
Оған Атырау қаласының әкімі Әлимұхаммед Құттымұратұлы, орынбасарлары – Мейірім Қалауи, Полымбет Хасанов, мәдениет бөлімінің басшысы Ақылбек Рысқалиев, Х.Досмұхамедов атындағы Атырау мемлекеттік университетінің ректоры Абзал Талтенов қатысты. Шара барысын Қазақстан Республикасы Суретшілер одағының Алматы облыстық филиалының төрағасы Ермұхан Жүнісхан жүргізіп отырды. Онда әлемдік дағдарыстағы суретшілер ролі, сурет өнерінің бүгінгі беталысы мен өзіндік даму деңгейі жайында мәселе көтерілді.
Ал, халықаралық «Түрксой» ұйымының өкілі Мехмет Мүләзімоглы, Кипр Таяу Шығыс университетінің өнер және мәдениет факультетінің деканы Ердал Айгенч, Ираннан келген Мохаммад Азамзаде және басқа да халықаралық деңгейдегі суретшілер шара қонағы болды.
Гүлдана ЖАМБОЗОВА
