Геннадий Головкиннің жекпе-жегі әлемдік бокстың үздік бестігіне енді
Atr.kz/26 желтоқсан, 2019 жыл. Бокс туралы жазатын көне басылымдардың бірі британдық Boxing News журналы 2019 жылы кәсіпқой бокстағы үздік жекпе-жектердің ондығын жариялады, деп хабарлайды ҚазАқпарат Sports.kz-ке сілтеме жасап.
Бесінші орынға 5 қазанда Нью-Йорктағы Madison Square Garden аренасында IBF және IBO нұсқасы бойынша орта салмақтағы әлем чемпионы белбеуі үшін болған қазақстандық Геннадий Головкин мен украиналық боксшы Сергей Деревянченко арасында жекпе-жек жайғасты.
«Бұл кездесуде екі боксшының да қажыған және алаңдатқан сәттері болды, бірақ Нью-Йорк төрешілері бірауыздан Головкинге басымдық беріп, ол IBF нұсқасы бойынша орта салмақтағы әлем чемпионы титулын жеңіп алды», — делінген басылымда.
Толық ондық тізімі мынадай:
1. Наоя Иноуэ — Нонито Донейр
2. Джош Тейлор — Реджис Прогре
3. Энди Руис — Энтони Джошуа
4. Эррол Спенс — Шон Портер
5. Геннадий Головкин — Сергей Деревянченко
6. Хосе Рамирес — Морис Хукер
7. Стивен Уорд — Лиам Конрой
8. Артур Бетербиев — Александр Гвоздик
9. Джулиан Уильямс — Джарретт Херд
10. Роберт Таларек — Патрик Шимански.
