Енді вандализмге жол жоқ!

Елімізде вандализм жасағандар 600 сағатқа дейін қоғамдық жұмысқа тартылады. Бұл жаңалық Мәжілісте вандализмге қатысты жауапкершілікті қатаңдату бойынша заңды қабылдау барысында атап айтылды.

Жаңа заңдағы баптың екінші бөлігі бойынша 200-ден 500 айлық есептік көрсеткішке дейін айыппұл салу немесе түзеу жұмыстары, 300 сағаттан 600 сағатқа дейін қоғамдық жұмыстарға тарту немесе 3 жылға дейін бас бостандығын шектеу, не болмаса дәл сол мерзімге бас бостандығынан айыру жазасы қолданылмақ.

Сондай-ақ, енді белгіленбеген жерде коммуналдық қалдықтарды тастағаны үшін 10 айлық есептік көрсеткіште айыппұл салынады.