![Елімізде әлеуметтік маңызы бар өнімдердің бағасы төмендеуде 1 2023 06 23 4fd83d4a 8dd3 49f2 a87e 86693154132b](https://atr.kz/wp-content/uploads/2024/05/2023_06_23_4fd83d4a-8dd3-49f2-a87e-86693154132b.jpeg)
Елімізде әлеуметтік маңызы бар өнімдердің бағасы төмендеуде
Жыл басынан бері 21 мамырға дейін республикада әлеуметтік маңызы бар өнімдер бағасының өсуі 0,2%-ға дейін баяулады. Өткен аптада көрсеткіш – 0,1% құрады.
Әлеуметтік маңызы бар өнімдердің қазіргі бағасына қатысты жағдай өткен сенбіде Үкіметте вице-премьер Серік Жұманғариннің төрағалығымен өткен кезекті кеңесте қаралды.
![Елімізде әлеуметтік маңызы бар өнімдердің бағасы төмендеуде 2 yvvcvcvvv](https://atr.kz/wp-content/uploads/2024/05/yvvcvcvvv-1024x576.jpg)
Бір апта ішінде қырыққабат бірден 10,4%-ға арзандады, оған Түркістан облысында жаңа өнім алу әсер еткен. Сауда және интеграция бірінші вице-министрі Айжан Бижанова атап өткендей, қырыққабатты сатып алуға сауда желілері қосылды, ішкі нарық жаппай толығып жатыр.
Күнбағыс майы (-0,6%), қарақұмық жармасы (-0,4%), С1 санатындағы тауық жұмыртқасы (-1,4%) бағасының төмендеуі жалғасуда. Сонымен қатар «төмен бағалар» тобында сүзбе (-0,2%),тауық еті (-0,2%), айран майлылығы 2,5% (-0,4%), тұз (-0,1%) және 1 сұрыпты бидай ұны (-0,1%) бар.
![Елімізде әлеуметтік маңызы бар өнімдердің бағасы төмендеуде 3 dfdfdfdff](https://atr.kz/wp-content/uploads/2024/05/dfdfdfdff-1024x1024.jpg)
Ауыл шаруашылығы министрлігі тарапынан тұрақтандыру қорларындағы көкөніс қорларының көлемі бойынша деректер айтылды. Өңірлерге күзгі өнімді келесі маусымаралық кезеңге жеткізуге форвардтық шарттар жасасу бойынша жұмыс жүргізу тапсырылды.
Серік Жұманғарин өңірлерге алдағы апта ішінде бағаны тұрақтандыруды қамтамасыз етуді және қажетті көлемде жаңа өнім жеткізуді жеделдетуді тапсырды.