Шара соңы Мұнай-газ кешені қызметкерлері күніне арналған салтанатты жиналысқа ұласты.
(«Ембімұнайгаз» акционерлік қоғамының мерекеге арналған шаралары жөніндегі толық материалды газетіміздің келесі санынан оқисыздар).
ЕЛГЕ – МҰРА, ҰРПАҚҚА – ӨНЕГЕ
Кеше «Ембімұнайгаз» акционерлік қоғамында жаңа мұражайдың пайдалануға берілу рәсімі өтті. Сонау Қарашүңгілден басталып, бүгінгі күнге дейін созылатын қазақ мұнайының мол тарихы жинақталған нысанның ашылу салтанатына жиналғандарды облыс әкімі Бақтықожа Ізмұхамбетов, Қазақстанның Еңбек Ері, Энергетика министрінің бірінші орынбасары Ұзақбай Қарабалин және «ҚазМұнайГаз» Ұлттық компаниясы» акционерлік қоғамы Басқарма төрағасының орынбасары Махамбет Досмұхамбетов құттықтады.
