![Атырау облыстық жұмыспен қамтуды үйлестіру және әлеуметтік бағдарламалар басқармасы басшысына Серік Қамидола тағайындалды 1 51325086 629172090850794 9011577930949591040 o](https://atr.kz/wp-content/uploads/2019/02/51325086_629172090850794_9011577930949591040_o.jpg)
Атырау облыстық жұмыспен қамтуды үйлестіру және әлеуметтік бағдарламалар басқармасы басшысына Серік Қамидола тағайындалды
– Бүгін Атырау облысының әкімі Нұрлан Ноғаев облыс активіне Атырау облыстық жұмыспен қамтуды үйлестіру және әлеуметтік бағдарламалар басқармасының жаңа басшысын таныстырды.
![Атырау облыстық жұмыспен қамтуды үйлестіру және әлеуметтік бағдарламалар басқармасы басшысына Серік Қамидола тағайындалды 2 51188971 629172077517462 703305047953375232 o](http://atr.kz/wp-content/uploads/2019/02/51188971_629172077517462_703305047953375232_o-1024x683.jpg)
Бұл лауазымға Қамидола Серік Қамидоллаұлы тағайындалды. Ол бұған дейін Жылыой ауданы жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы лауазымын атқарды,-деді Нұрлан Ноғаев. –Ол тәжірибелі жетекші, алдына қойылған міндеттерді сапалы орындауға қажет қасиеттердің бәрі бойында бар. Осы жұмысты ауданда істедіңіз, енді одан да ауқымды міндет жүктеліп отыр. Орталық органдармен, аудандармен өзара қарым-қатынаста болу керек.
Серік Қамидолла С.Бәйішев атындағы университетті, Қазақстан инновациялық және телекоммуникациялар жүйелері университетін бітірген. Құқық бакалавры, халықаралық экономикада шетел тілдерін меңгерген жоғары білікті экономист.
![Атырау облыстық жұмыспен қамтуды үйлестіру және әлеуметтік бағдарламалар басқармасы басшысына Серік Қамидола тағайындалды 3 51325086 629172090850794 9011577930949591040 o](http://atr.kz/wp-content/uploads/2019/02/51325086_629172090850794_9011577930949591040_o-1024x683.jpg)
Еңбек жолын 1995 жылы Құлсарыдағы орта мектеп директорының орынбасары қызметінен бастап, 1999 жылға дейін сол жерде жұмыс істеді. 2000-2004 жылдары жеке фирмада экономист болды.
2004 жылдан бастап Жылыой ауданы жұмыспен қамту және әлеуметтік бағдарламалар бөлімінде әлеуметтік төлемдер бөлімі меңгерушісінің міндетін атқарушы болды.
2008 жылы Жылыой аудандық жұмыспен қамту және әлеуметтік бағдарламалар бөлімінде сектор меңгерушісі қызметін атқарды.
2010 жылы аудандық жұмыспен қамту және әлеуметтік бағдарламалар бөлімін басқарды.
![Атырау облыстық жұмыспен қамтуды үйлестіру және әлеуметтік бағдарламалар басқармасы басшысына Серік Қамидола тағайындалды 4 51268212 629172097517460 3751563979260952576 o](http://atr.kz/wp-content/uploads/2019/02/51268212_629172097517460_3751563979260952576_o-1024x680.jpg)
2011 жылы Атырау облыстық жұмыспен қамтуды үйлестіру және әлеуметтік бағдарламалар басқармасы ардагерлермен және мүгедектермен жұмыс бөлімінің басшысы болып тағайындалды.
2012 жылдан күні бүгінге дейін Жылыой аудандық жұмыспен қамтуды үйлестіру және әлеуметтік бағдарламалар, азаматтық хал актілерін тіркеу бөлімінің басшысы болды.
Активте облыс әкімі Атырау облыстық жұмылдыру даярлығы және азаматтық қорғаныс басқармасының басшысы болған Ғибрат Сүлейменовке атқарған жұмысы үшін ризашылығын білдірді.
-Зейнеткерлік жасына жетуіне байланысты Сүлеймен Ғибрат Еркінұлы лауазымынан босатылды. Жасаған жұмыстары үшін алғыс айтқым келеді. Ол ұзақ жылдар бойы әкімдікте түрлі басқармаларды басқарды, аймақтың дамуына үлкен үлес қосты,-деді Нұрлан Ноғаев.
Сонымен қатар, Мақсот Мұқанов ауыл шаруашылығы басқармасының басшысы лауазымынан босатылды. Ол енді Қызылқоға аудандық аумақтық сайлау комиссиясын басқаратын болады.
Hello, I think your website might be having browser compatibility issues.
When I look at your blog in Opera, it looks fine but when opening in Internet Explorer, it has some overlapping.
I jujst wanted to give you a quick heads up! Other then that, superb blog!