«ЦОН» қосымшасында «Көлік тарихы» сервисі іске қосылды

Мемлекеттік қызметтерді цифрландыру бағытындағы жұмыстар жалғасуда. «Азаматтарға арналған үкімет» мемлекеттік корпорациясы «ЦОН» мобильді қосымшасына жаңа «Көлік тарихы» сервисін қосты.

Енді қазақстандықтар көліктің VIN-кодын енгізу арқылы автокөлік туралы толық әрі сенімді ақпарат ала алады. Қызмет төмендегідей мәліметтерді қамтиды:

• көліктің тіркеу деректері;
• айыппұлдар туралы ақпарат;
• кедендік рәсімдер;
• утилизациялық алым;
• тыйымдар мен кепілдіктер.

Жаңа сервис автонарықтағы алаяқтық фактілерінің алдын алуға және көлікті сатып алу кезінде туындауы мүмкін тәуекелдерді азайтуға көмектеседі.

Қызмет құны:

• 1 тексеріс – 500 теңге;
• 10 тексеріс – 4500 теңге;
• 20 тексеріс – 8000 теңге.

Бұл цифрлық жаңашылдық көлік иелеріне ғана емес, автонарықтағы сатып алушыларға да қолайлы мүмкіндік беріп отыр.