«Болашақ» бағдарламасы аясында бакалавриатқа грант беріледі

Қазақстандық жастарға әлемнің үздік университеттерінде бакалавриат деңгейінде білім алу мүмкіндігі ашылды. Енді халықаралық олимпиадалар мен ғылыми жобалар жеңімпаздары «Болашақ» бағдарламасы аясында грантқа ие бола алады.

Бұл жаңалық туралы ҚР Парламенті Мәжілісінің депутаты Асхат Аймағамбетов мәлімдеді. Оның айтуынша, бұл шешім талантты жастардың шетелге кетуін азайтып, олардың ел дамуына үлес қосуына мүмкіндік береді.

–Бұл қадам – дарынды оқушылардың әлеуетін дамытуға үлкен серпін. Жастарымыз үздік жоғары оқу орындарында білім алып, еліміздің жарқын болашағын қалыптастыруға үлес қосады деп сенеміз, — деді А.Аймағамбетов.

Өз тілшіміз

Сурет: eurasian-research.org