БИЫЛ ҚЫМБАТ КӨЛІК САТЫП АЛҒАНДАР ДЕКЛАРАЦИЯ ТАПСЫРАДЫ

Енді құны 78 млн теңгеден асатын көлік мінгендер декларация тапсыруға міндетті. Президент қол қойған Салық кодексіндегі жаңа өзгерістерге сәйкес, бұл талап 2025 жылдың 1 қаңтарынан бастап сатып алынған көліктерге қатысты.

Сондай-ақ, темір тұлпарды шетелден сатып алса да мемлекет алдындағы міндетті берешектен жалтара алмайды. Декларацияны 2026 жылдың 15 қыркүйегіне дейін тапсыру қажет. Ал ескі көліктерге керісінше, салық жеңілдігі қарастырылған.

10 жылдан асса – салық 30%-ға, ал 20 жылдан асса — 50%-ға азаяды.