БІРЛІГІ ЖАРАСҚАН ЕЛ ОЗАДЫ
Қазақстан халқының бірлігі күні қарсаңында ұйымдастырылған шара барысында облыс басшысы келер жылды Елбасы Нұрсұлтан Назарбаевтың Қазақстан халқы Ассамблеясы жылы деп жариялағандығын, осыған орай ұлттық іс-шаралар аясында елімізді мекендейтін барлық диаспора өкілдерінің дәстүрін, мәдениетін жаңғырту бағытында нақты қадамдардың болатынын айтты. «Бірінші наурыздан бастап Ассамблеяның жиырма жылдығына арналған «Бірлік пен келісімнің жол картасы» мега-жобасы қолға алынды. Осыған орай еліміздің барлық өңірлеріндегі жоғарғы оқу орындарында түрлі бағыттағы жастар форумы өтеді. Елбасы тапсырмасына сәйкес, өңіріміздегі ірі кәсіпорындарда қоғамдық келісім кеңестері құрылды. Аталған кеңестер ел бірлігін сақтауда келелі жұмыстар атқаруда» деп атап өткен облыс әкімі Бақтықожа Ізмұхамбетов жиналғандарды айтулы мерекемен құттықтады.
Одан әрі шара түрлі этно-мәдени бірлестік өкілдері дайындаған мерекелік концертке ұласты.
Баян ЖАНҰЗАҚОВА.
