Банктер жүктемеге қарамай автонесие береді

Енді Қазақстанда банктер азаматтардың несие жүктемесіне қарамай автонесие беруі мүмкін. Бұл жобаны Қаржы нарығын реттеу және дамыту агенттігі ұсынып отыр, — деп хабарлайды TengeLife телеграм каналы.

Құжат нормативтік-құқықтық актілердің порталының талқылау алаңына шығарылды. Онда 15 мамырға дейін пікір қалдыруға болады. Бұл талап 1 сәуір мен 31 желтоқсанды қоса алғандағы кепілмен жаңа көлік құралын сатып алу мақсатында берілген несиелерге қолданылмайды.

Бүгінде бұл мәселеде сарапшылардың пікірі екіге жарылып отыр. Бірі автонесиені оңды-солды үлестіру бейберекетсіздікке әкелуі мүмкін дейді. Себебі қазірдің өзінде банк алдындағы берешегін 90 күннен асырып алған 1,2 миллион қазақстандық болса керек.