ЖаңалықтарҚұқық

Балконнан оқ атқан кім?

Полиция оқ атқан жасөспірімдерді тапты, қазіргі уақытта тергеу жұмыстары жүргізіліп жатыр, деп хабарлайды ulysmedia.kz.

Облыстық Полиция департаментінің мәліметінше, 23 қаңтар күні сағат 17:47-де полицияға 34 жастағы Павлодар тұрғыны хабарласып, оның терезелеріне белгісіз біреулер оқ жаудырып жатқанын айтқан. Бұл қоңырауға дереу тергеу-жедел тобы жіберілді. Оқиға орнына барған тәртіп сақшылары екі рет оқ атылғанын, соның салдарынан Бұқар жырау көшесіндегі үйдің үшінші қабатында орналасқан балконның терезелері зақымдалғанын анықтады.

Полиция қызметкерлері 13-15 жас аралығындағы кәмелетке толмаған жеті жасөспірімді, Павлодардағы №6, 16, 24, 29 және 34 мектептерінің оқушыларын анықтады.

«23 қаңтарда жасөспірімдер компьютер ойындарын ойнау үшін достарының үйіне жиналған. Олардың бірі өзімен бірге танысынан алып кеткен тапаншаға ұқсайтын затты ала келген. Балалар қызық көріп балконға шыққан және кезек-кезек оқ жаудырған. Атылған оқтардың бағыты әртүрлі болған. Екі оқ пәтерлердің бірінің балконын зақымдап, иесі полицияға жүгінген», – делінген хабарламада.

Қарулар тәркіленді, сараптама тағайындалды, оның қорытындысы бойынша кәмелетке толмағандарға қатысты процессуалдық шешім қабылданады.

Айта кетейік, балалардың әрекеті үшін заңды өкілдер жауапқа тартылады.

Related Articles

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Back to top button