Ауылға бұр ат басын!

Жоғары білім алған ауыл жастары қалада тұрып қалмай, өзінің мамандығы бойынша кәсіби білімі мен білігін туған жерінің дамуына жұмсағаны абзал. Ауыл балалары кейде өз болашағына селқос қарап, мамандық таңдауда қателеседі.

Сөйтіп, жұмысқа орналаса алмай, жұмыссыздар қатарын көбейтеді. Ал, ауылда дәрігер, зоотехник, ветеринар мамандықтары жетіспейді. Сондықтан, мектеп бітіретін түлектерге жергілікті жерге қажетті мамандықтарды оқуға бағыт-бағдар беруді ұйымдастырған жөн. Шынтуайтына келгенде  ауылда ерінбеген жанға жұмыс көп. Тәуекел етіп кәсіп ашуға да мүмкіндік жоқ емес. Бұл ретте жастар кәсіпкерлігін қолдауға арналған, оңтайландырылған жеңіл несие қарастырылса, тасада қалып қойып жатқан талантты ауыл жастарына  қолдау көрсетілсе деймін.

Әнуар АМАНҒАЛИЕВ,

«Аян» шаруа қожалығының төрағасы.

Облыстағы  жастардың  саны – 146 979

Қала  жастары  – 66 774 (45,4%)

Ауыл  жастары – 80 205 (54,5%)

Мектеп  оқушылары – 15 974

Жоғары  және  арнаулы  оқу  орындарындағы студент — жастар – 28 145

Жастар  арасындағы  жұмыссыздық деңгейі – 2,6%

Өз  бетінше  жұмыспен  қамтылғандар – 77,5 мың