Ауа райының қолайсыздығына байланысты сақ болыңыз!

Атырау қаласында ауа райының күрт өзгеруіне байланысты халық көп жиналатын орындарда тайғақтың алдын алу шаралары жүргізіліп жатыр. Қауіпсіздікті қамтамасыз ету мақсатында арнайы қызметтер инертті материалдарды төсеу жұмыстарын қолға алды.

«Арнайы автобаза» мекемесінен жолдарды қардан тазалау үшін 8 сыпырғыш трактор, 2 шағын сыпырғыш трактор, 4 көп қызметті жол техникасы, 150 жол жұмысшысы жұмылдырылды.

Қазір аялдамалар маңы, көпірлер, жаяу жүргіншілер жолдары мен жол қиылыстарына арнайы қоспа себу жұмыстары жүргізілуде.

Суреттерді түсірген Ерлан АЛТЫБАЕВ