![Атыраулық ұстаздар тың тәжірибе алмасты (+ФОТО) 1 img 20220324 wa0098](https://atr.kz/wp-content/uploads/2022/03/img-20220324-wa0098.jpg)
Атыраулық ұстаздар тың тәжірибе алмасты (+ФОТО)
ОБЛЫС ҰСТАЗДАРЫ ЖОЛ КАРТАСЫ АЯСЫНДА ТӘЖІРИБЕ АЛМАСУДА.
Атырау қаласындағы Назарбаев Зияткерлік Мектебінде Атырау облысының білім беру жүйесін дамытудың жол картасы аясында тәжірибе тарату алаңы бүгін өз қызметін бастады.
![Атыраулық ұстаздар тың тәжірибе алмасты (+ФОТО) 2 img 20220324 wa0099](https://atr.kz/wp-content/uploads/2022/03/img-20220324-wa0099-1024x682.jpg)
Басты мақсат — мұғалімдердің шығармашылық әлеуетін дамыту, математиканы, физиканы, химияны және биологияны оқыту бойынша кәсіби құзыреттілігін арттыру және үйретілген ақпараттарды педагогикалық тәжірибемен ұштастыру. Сондай-ақ, қосымша білім беру бағыттары бойынша әдістемелік қолдау көрсету.
![Атыраулық ұстаздар тың тәжірибе алмасты (+ФОТО) 3 img 20220324 wa0097](https://atr.kz/wp-content/uploads/2022/03/img-20220324-wa0097-1024x682.jpg)
Тың тәжірибе тарату шарасына облыстағы жалпы білім беретін мектептер мен колледж мұғалімдері қатысуда.
Бұл арқылы мұғалімдер оқытудың тиімді жаңа әдіс-тәсілдерімен танысады, оқытудың қазіргі заманғы педагогикалық тәсілдерін қолдануды үйренеді, педагогтардың құзыреттілік деңгейі артады. Бүгінгі басты тәжірибе алмасулар дифференциалдық теңдеулерді шешу, комплекс сандар, PISA тапсырмалары, PASKO құралдарымен практикалық жұмыстар жасау, азық-түліктің құрамындағы органикалық заттарды тестілеу, беттік аудан мөлшерінің көлемге қатынасын анықтау, PISA: Креативті ойлау, оқу сауаттылығы тақырыптары төңірегінде өрбіді. Ұстаздар берілген әр тың ақпарды енді өз тәжірибелерінде де пайдалануға ниетті екендерін жеткізді.
Орынгүл МАХМУД,
баспасөз хатшысы
![Атыраулық ұстаздар тың тәжірибе алмасты (+ФОТО) 4 img 20220324 wa0100](https://atr.kz/wp-content/uploads/2022/03/img-20220324-wa0100-1024x682.jpg)
![Атыраулық ұстаздар тың тәжірибе алмасты (+ФОТО) 5 img 20220324 wa0096](https://atr.kz/wp-content/uploads/2022/03/img-20220324-wa0096-1024x682.jpg)
![Атыраулық ұстаздар тың тәжірибе алмасты (+ФОТО) 6 img 20220324 wa0102](https://atr.kz/wp-content/uploads/2022/03/img-20220324-wa0102-1024x682.jpg)