Атыраулық полицейлер есірткі тасымалдаған күдіктіні ұстады

Атырау қаласындағы көшелердің бірінде есірткі тасымалдаған 30 жастағы қала тұрғыны қамауға алынды. Есірткі тасымалдаған күдікті к8 мамыр күні сағат 16:40 шамасында ұсталған.

«Аталған күдіктіден политилен пакетке оралған 4 дана орам синтетикалық есірткіге ұқсас ұнтақ және тапанша тәркіленді.Тұрақты мекен-жайы бойынша тінту кезінде политилен пакетке салынған ұнтақ пен ас үйінен кептірілген есірткі тектес өсімдік тәркіленді. Тәркіленген айғақ заттарға сараптама тағайындалды», — деп хабарлайды облыстық полиция департаментінің баспасөз қызметі.

Қазіргі таңда ҚР Қылмыстық кодексінің 297-бабы 3 бөлігі бойынша сотқа дейінгі тергеу басталды. Күдікті уақытша ұстау изоляторына қамауға алынды.