Атыраулық полицейлер 5 жыл құжатсыз жүрген шетелдікті анықтады

Атырауда 14 тамыз-30 қыркүйек аралығында «Учаске» жедел-профилактикалық іс-шарасы өткізілуде.

«Атырау қаласы Полиция басқармасының №6 учаскелік полиция бекетінің учаскелік полиция инспекторлары әкімшілік аумақты тексеру кезінде, 2018 жылдан бері құжатсыз жүрген Өзбекстан Республикасының 1994 жылғы азаматын анықтап, Атырау қаласы Полиция басқармасының көші-қон қызмет бөліміне тапсырды», — деп хабарлады Атырау облыстық полиция департаменті.