Атыраулық дзюдошылар Қырғызстаннан олжалы оралды
Қырғызстан елінің астанасы Бішкек қаласында дзюдо күресінен жасөспірімдер арасында өткен республикалық турнирде атыраулық спортшылар қатысты.
Бұл турнирде ашылғанына екі жыл болған «Magauiya» спорт клубының сегіз спортшысы ел намысын қорғады. Бәсекеге толы жарыста Эрман Майлашев жаттықтыратын дзюдошылардың бесеуі олжалы оралды. Атап айтқанда, 42 келіде Салауат Марат I орын, 29 келіде Мейрамбек Бағытов, 26 келіде Хамза Мағауия II орын, 32 келіде Дінмұхамед Серікқали, 20 келіде Дамир Серік III орындарға қол жеткізіп, сәтті өнер көрсетіп қайтты.
– Балалармен бірге екі әжесі де бірге барып қолдау көрсетті. Шәкірттерімнің ата-аналарына зор алғыс білдіремін. Алдағы уақытта тағы да жетістіктерімізбен қуантамыз деген ойдамын. Қолдау білдіріп жатқан облыс басшылығына да ерекше ризалығымызды білдіреміз, — деді Эрман Мағауияұлы.
Алмас ҚАБДОЛОВ
Сурет автордікі
