Атырауда «Жыл еріктісі» байқауы өтеді

Байқауға 16 жастан асқан барлық ерікті қатыса алады. Волонтерлар 10 номинация бойынша сайысқа түседі. Өңірлік коммуникациялар қызметі мәлім еткендей, олар білім, денсаулық, балалар үйлеріндегі тәлімгерлік, тарихи-мұраларды сақтау, жануарларға қамқорлық, экология, төтенше жағдай, әлеуметтік қызмет, үздік волонтерлық ұйым және жыл волонтері. 

– Байқауға қатысу үшін еріктілер арнайы өтініш формасын толтырып, ұйымдастыру комитетіне тапсыруы кажет. Құжаттар 5-і қарашасына дейін oi_brend_11@mail.ru электронды поштасында қабылданады. Қазылар алқасы әр номинация бойынша үздіктерді анықтайды, — деді қалалық әкімдіктің баспасөз-хатшысы Ғасырбек Төлеген.

Әр номинация бойынша жеңімпаздарға арнайы дипломдар мен сертификаттар табысталады. Байқаудың жалпы жүлде қоры 500 мың теңгені құрайды.