Атырауда жаяу жүргіншіні қаққан азамат істі болды

Atr.kz/5 сәуір, 2019 жыл.  Атырау қаласының  №2 сотында Қазақстан Республикасы  Қылмыстық Кодексінің 345-бабының 1-бөлігімен З.Ф.-ға қатысты қылмыстық іс қаралды.

Сотта анықталғандай, З.Ф. 2018 жылдың қараша айында «Лада Приора 217130» маркалы автокөлігін басқарып келе жатып, жаяу жүргінші Ж.М.-ны  қағып кеткен.

Оқиға Атыраудағы «Азамат» азық-түлік дүкені тұсында болған. Апат салдарынан жәбірленуші әр түрлі дене жарақатын алып, ауруханаға түскен.

Сот дәрігерлік сараптама қорытындысы жәбірленушінің денсаулығына  орта дәрежелі зиян келтірілгенін анықтады.

Сот  З.Ф.-ны Қазақстан Республикасы Қылмыстық Кодексінің 345-бабының 1-бөлігімен кінәлі деп таныды. Және асырауында мүгедек ағасы мен анасы бар екенін ескеріп, оны 2 жыл мерзімге көлік құралын жүргізу құқығынан айырды. Бұған қоса, айыпталушы  80 сағатқа дейін қоғамдық  жұмыстарға тартылады.

“Atr – Ақпарат”