Атырауда роботехникадан республикалық турнир өтті
UTEBAYEV UNIVERSITY, ҚазРоботикс Федерациясы, «Шеврон» компаниясы, Білім караваны қоры және Орталық Азияның Еуразия қорымен бірлесіп, «JasScience: Атырау қаласының жастарын дамыту бастамасы» бағдарламасы аясында балалар мен жастардың әлеуетін дамытуға бағытталған республикалық ашық турнир өтті.
Инновациялық технологияларды көрсету және командалық жұмыс дағдыларын жетілдіру мақсатында өткен турнирге қатысушылар жан-жақтан жиналды.
Іс-шарада «JasSpace Mega Sumo Tournament-2024» және «Авиа, авто, зымыран модельдеу» санаттары бойынша жарыстар ұйымдастырылды. Сондай-ақ, «JasSpace Project Challenge-2024» жобасы шеңберінде жастардың ғылыми-инновациялық бастамаларына қолдау көрсетілді. Бұл сайыс “Caravan of Knowledge” жобасының аясында STEAM білім беруді дамыту мақсатында өткізілді. Сонымен қатар, бұл жарыс, жастар арасында ғылым мен инженерияға деген қызығушылықты арттыруға ықпал етті.
