Атырауда республикалық «бос орындар» жәрмеңкесі өтеді

«Электрондық еңбек биржасы» мемлекеттік ақпараттық порталында тау-кен және өңдеу өнеркәсібінің ірі кәсіпорындары «бос жұмыс орындарын» ұсынады. Бұл туралы Атырау облыстық Жұмыспен қамтуды үйлестіру және әлеуметтік бағдарламалар басқармасының бөлім басшысы Гүлболат Аманғалиева мәлім етті, деп хабарлайды Өңірлік коммуникациялар қызметі.

-Онлайн-жәрмеңке 29 наурызда өтеді. Әр азамат түйіндемесін өз саласына сай келетін бос жұмыс орындарына жібере алады. Сондай-ақ, ұйымдардың HR-менеджерлерімен онлайн форматта сөйлесіп, оларға өздерін қызықтырған сауалдарды қойып, сұхбаттасуға шақырту ала алады, — деді Г.Аманғалиева.

Айта кетейік, аталған республикалық жәрмеңке биыл өңірде алғаш рет өткізіліп отыр.