Атырауда қоқыстан табылған құжаттардың қай мекемеге тиесілі екендігі анықталды
Атырау қаласына қарасты Алмалы ауылының тұрғындары өзен жағасынан канцелериялық құжаттарды тауып алған деп хабарлайды Atr.kz
Атырау облысы полиция департаментінен білгеніміздей, қоқысқа айналған құжаттардың арасында төлқұжаттар, жеке куәліктер, азаматтардың өтініштері, төлем құжаттары, табыстар және өзге де жеке басқа қатысты анықтамалар мен мекемелердің ішкі құжаттары, мөрлері бар.
«Тексеру барысында құжаттардың Азаматтарға арналған үкімет мемлекеттік корпорациясының (ХҚКО) Атырау филиалына тиесілі мұрағат екені анықталды. Олардың арасында Мемлекеттік қызмет көрсету кезінде талап етілген қызметтік құжаттары мен азаматтардың жеке басын куәландыратын құжаттары бар екендігі расталды», деп нақтылады Атырау облысының полиция департаменті.
Қазіргі уақытта құрылыс қоқысын белгіленбеген жерге төккен автокөлік жүргізушісі және кінәлі лауазымды тұлғалар анықталуда.
