Атырауда модульдік аурухананың инфекциялық стационарында 88 сәби дүниеге келді

Облыстық Денсаулық сақтау басқармасының баспасөз қызметі хабарлаған, 20 шілдедегі мәлімет бойынша, модульдік аурухананың инфекциялық стационарында 87 жүкті, 10 босанған әйел және 7 жаңа туған нәресте жатыр.

• 2021 жылдың наурыз айынан бастап ауруханада 88 сәби дүниеге келді. Сәбилерде коронавирус инфекциясын анықтау мақсатында жасалған ПТР- тест теріс нәтиже берді. Өкінше орай, жүкті әйелдердің инфекция жұқтыру қаупі жоғары. Сәби жоспарлап жүрген немесе жүкті әйелдерге өздерін қауіпті инфекциядан барынша қорғауға шақырамын, — деді №2 Атырау облыстық ауруханасының директоры Мағжан Сиджанов.

Айта кетейік, бүгінде модульдік аурухананың инфекциялық стационарында 195 науқас коронавирус инфекциясына қарсы ем қабылдауда.