Атырауда кәсіпкерлердің мүддесін қорғайтын жаңа жоба іске қосылды

Сыбайлас жемқорлыққа қарсы іс-қимыл агенттігі «Атамекен» Ұлттық кәсіпкерлер палатасымен бірлесіп бизнес пен инвестицияларды қорғау жөніндегі «Protecting business and investments» жобасын іске асыруда.

Жобаның негізгі мақсаты қолайлы инвестициялық ахуалды нығайту, кәсіпкерлер тап болатын барлық процестерді сыбайлас жемқорлыққа қарсы сүйемелдеу арқылы бизнес пен инвесторлардың мемлекеттік органдарға сенімін арттыру болып табылады.

• — Бұл кәсіпкерлердің уәкілетті және жергілікті атқарушы органдардың лауазымды тұлғаларының сапасыз жұмысымен байланысты мәселелерін шешуде жәрдем көрсетуді білдіреді.Агенттік бизнестің барлық санаттары бойынша жұмыс жүргізуде – біз сүйемелдейтін жобалар арасында шағын, орта және ірі кәсіпкерлік субъектілері, оның ішінде шетелдің қатысуымен де бар.Шетелдік инвестициялар әрбір бесінші жобада белгіленеді. Түркия, Германия, Біріккен араб әмірліктері, Америка құрама штаттары және Польша ең көп ұсынылған, — деп мәлімдеді сыбайлас жемқорлыққа қарсы іс-қимыл агенттігі.

«ATPress.kz»