0 37

Атырауда ішімдік сатқан кәсіпкер лицензиясынан айырылды

Жаңалықтар Қоғам
13 / 100

«Дүкен 21 жасқа толмаған атыраулыққа кешкілік мезгілде ішімдік сатқан» деп хабарлайды Atr.kz

Лицензиясынан айырылған кәсіпкердің дүкені Атырау қаласындағы Құрманғалиев көшесінде орналасқан.

«1 ақпан күні сағат 22:10 шамасында учаскелік полиция инспекторлары 51 жастағы кәсіпкердің 21 жасқа толмаған азаматқа алкоголь өнімдерін сатқанын анықтады. Оған қатысты ҚР Әкімшілік құқық бұзушлық тураълы кодексінің 200 бап, 1 бөліміне сәйкес хаттама толтырылды. Сот шешімімен кәсіпкер бір ай мерзімге алкоголь өнімін саудалау лицензиясынан айырылды. Және оған 81 676 теңге көлемінде айыппұл салынды» делінген Атырау облысы полиция департаменті баспасөз-қызметі таратқан мәліметте.

Еске сала кетейік, жыл басынан бері Қазақстан Республикасы заңнамасының алкоголь өнімін өткізу жөніндегі талаптарын бұзғаны үшін Атырауда 4 кәсіпкер әкімшілік жауапкершілікке тартылды.

Баян ЖАНҰЗАҚОВА

Пікір үстеу

Э-пошта мекенжайыңыз жарияланбайды. Міндетті өрістер * таңбаланған