Атырауда «Игілік» бағдарламасымен 25 мектеп пен балабақша салынды

Теңіз кен орнының ашылғанына 45 жыл толу қарсаңында ТШО компаниясы «Игілік» бағдарламасының қорытындыларын жариялады.

Мәселен, 1999-2024 жылдар аралығында Атырау облысының аумағында 25 білім беру нысаны салынды.

Олардың ішінде 15 балабақша, 8 мектеп және 2 гимназия бар.

Атап өтерлігі, «Игілік» бағдарламасын жүзеге асыру коронавирустық пандемия кезінде де тоқтаған жоқ.

2023 жылы «Игілік» ерікті әлеуметтік-инфрақұрылымдық бағдарламасы аясында Атырау облысында жалпы саны 600-ден астам орындық екі мектеп салынып, пайдалануға берді.

Қазіргі уақытта Құлсары қаласының Береке шағын ауданында 600 орындық жалпы білім беретін мектептің құрылысы жүргізілуде.

Үш қабатты ғимараттың құрылыс жұмыстары 2024 жылдың желтоқсанында аяқталады деп күтілуде.

⁃ Мектеп барлық заманауи оқу құралдарымен жабдықталады. Оқушылар үшін футбол алаңы, баскетбол және волейбол алаңы, 250 метрлік жүгіру жолы, теннис корты, гимнастика сабақтарына арналған аймақ, сондай-ақ бастауыш сынып оқушыларына арналған түрлі спорт түрлері мен сабақтарға арналған спорт алаңдары салынады. Барлық залдар арнайы спорттық жабдықтармен қамтамасыз етіледі,- деп хабарлады Атырау облысы құрылыс басқармасының баспасөз қызметі. 

2023 жылы «Игілік» ерікті әлеуметтік-инфрақұрылмдық бағдарламасының бюджеті 25 миллион АҚШ долларын құрады.

Қаражаттың негізгі бөлігі Атырау облысында балабақшалар, ауруханалар, мектептер және басқа да әлеуметтік нысандар салуға бағытталды.

ТШО Атырау облысының білім беру саласын қолдау мен дамытуға ерекше көңіл бөледі, сондықтан «Игілік» бағдарламасы аясында салынған әлеуметтік нысандар заманауи білім беру талаптарына жауап береді.
 
1993 жылдан бері 120-дан астам инвестицияланған 385 миллион доллардан астам қаражат
Атырау облысындағы мектептер, ауруханалар, демалыс аймақтары, балабақшалар және басқа да жалпы пайдалану объектілері сияқты әлеуметтік нысандарды тұрғызуға бағытталды