Атырауда GN академиясы ашылды
Табысқа жетуге болатын бизнес дегеніміз не және кәсіпкерлер осы жолда туындайтын қиындықтарды қалай жеңе алады? Мұны жергілікті кәсіпкерлердің біріне-бірі мүлдем ұқсамайтын үш түрлі жағдайын мысалға келтіре отырып қарастырып көрейік. Басты мақсат – қандай кәсіп түрінің бизнес иесін табысқа жетелейтінін түсіндіру. Осы мақсатта биыл Атырауда GN академиясы ашылды.
Бірден айта кету керек, мұның артында қонақжайлылық индустриясы қызметкерлерін оқытуға және олардың біліктілігін арттыруға мамандандырылған білім беру жобасын жасаған екі адамның есімдері аталады. Олардың бірі — осы салада отыз жылдан астам тәжірибесі бар сарапшы Гүлназ Омарова. Сонымен бірге ол Алматы мен Атыраудағы төрт бес жұлдызды қонақүйлердің негізін қалаушы. Ал екіншісінің есімі Нұрсұлу Асанова. Оның бұл саладағы жұмыс өтілі — 22 жыл. Осы кезеңде еліміздегі жетекші компанияларда шипажайлар мен қонақүйлердің қызметтерін сәтті басқарған.
Жоғарыда айтып кеткеніміздей, Атыраудан академия ашып отырған осы екі замандасымыз қонақ үй бизнесіне бет бұрған, оның қыры мен сырына үңіліп, табысқа жетудің құпиясын біліп, сервистік қызмет көрсету мектебін меңгергісі келетіндерге көмектесіп жан-жақты қолдау танытып, дамытуды көздейді.
Дәулетқали АРУЕВ
