Жол-көлік оқиғасы 5 маусым күні сағат 18:00 шамасында орын алған.
«Атырау қаласы Афанасьева-Байтұрсынов көше қиылысында маркасы Тoyota Verso автокөлігі 2 жасөспірімдерді қағып құлатты. Жол-көлік оқиғасы салдарынан жасөспірімдер Атырау облыстық балалар ауруханасына жеткізілді», – деп хабарлады Атырау қалалық полиция басқармасы.
Қазіргі таңда аталған факті бойынша тиісті іс-құжаттар жинақталуда.
«Қала қонақтары мен тұрғындар назарына: жазғы демалыстың басталуына байланысты тұрғын-үй көшелерінде самокат және велосипед тізгіндеген жасөспірімдердің көбеюіне байланысты жүргізушілерден жолда абай болуларыңызды сұраймыз», – деп ескертеді полиция басқармасы.