Атырауда Covid-19-бен ауырып жатқандардың жағдайы қалай?

Atr.kz/4 сәуір, 2020 жыл. Екі пациентке пневмония деген диагноз қойылды — деп хабарлайды Атырау өңірлік коммуникациялар қызметі. 

4-сәуірдегі жағдай бойынша, инфекциялық стационарда 22 пациент жатыр. Қауіпті инфекцияны олардың төртеуі шетелден, жетеуі көрші облыстардан, ал қалған 11 жергілікті тұрғын болса, Атырауда жұқтырған. 

Дәрігерлердің айтуынша, жеті пациенттің жағдайы тұрақты, сегізінікі — қанағаттанарлық, бесеуінің жағдайы — орташа ауырлықта, тұрақты, ал екеуіне пневмония диагнозы қойылған. Ешқайсысында дене қызуы жоқ, өкпеге жасанды дем беру аппараты да ешкімге қажет емес.