Атырауда білім беру мекемелеріне құрылыс жұмыстары жүргізілуде
Atr.kz/4 наурыз, 2020 жыл. Атырауда білім беру мекемелеріне құрылыс жұмыстары жүргізілуде.
Биыл облыстағы 10 білім беру нысанына құрылыс жұмыстары жүргізіліп, пайдалануға беріледі, деп хабарлайды Атырау облысының Өңірлік коммуникациялар қызметі. Бұл туралы ӨКҚ-де өткен баспасөз мәслихатында құрылыс басқармасының басшысы Мәлік Аманов мәлімдеді.
— Бүгінгі таңда облыста 3 мектептің құрылыс-монтаж жұмыстары жүргізілуде 4 мектептің жобалау-сметалық құжаттамасына түзетулер енгізілуде, Ал, 2 балабашаның құрылысы жүргізілуде,- дейді Мәлік Аманов.Сонымен қатар, өңірде балабақша құрылысы да қарқынды жүргізілуде. Атап айтсақ, мектепке дейінгі 3 орталықтың құрылыс жұмыстары аяқталып, қолданысқа берілген. Ал, басқа да құрылыс-монтаж жұмыстары жүргізіліп жатырған нысандар саны — 8, оның ішінде 6 жатахана құрылысы бар. Биыл аталған құрылыс жұмыстарын аяқтап,тапсыру жоспарлануда ,- дейді басқарма басшысы.
