Атырауда 27-28 маусым күндеріне қосымша шектеу шаралары енгізілді
Atr.kz/25 маусым, 2020 жыл. Атырау облысының аумағында 2020 жылдың 27-28 маусым күндері коронавирустық инфекцияның (COVID-2019) таралуын болдырмау үшін қосымша шектеу шараларын енгізу туралы…
«Халық денсаулығы және денсаулық сақтау жүйесі туралы» Қазақстан Республикасының 2009 жылғы 18 қыркүйектегі № 193-IV Кодексінің 21-бабы 12-тармағының 6-тармақшасын, «Құқықтық актілер туралы» Қазақстан Республикасының 2016 жылғы 6 сәуірдегі № 480-V Заңының 65-бабын басшылыққа ала отырып, Қазақстан Республикасының Ұлттық экономика министрінің 2015 жылғы 20 наурыздағы № 239 «Қазақстан Республикасының аумағында шектеу іс-шараларын, оның ішінде карантинді жүзеге асыру ережесін бекіту туралы» бұйрығымен өмірді, адамның денсаулығын сақтау және коронавирустық инфекцияның таралуының алдын алу мақсатында (бұдан әрі — КВИ) Атырау облысының тұрғындары арасында КВИ-ді өнеркәсіптік кәсіпорындардың, өндірістік объектілердің, оның ішінде вахталық әдіспен жұмыс жасайтындардың қызметкерлері арасында тіркеуді ескере отырып, ҚАУЛЫ ЕТЕМІН:
I. Атырау облысы аумағында 2020 жылдың 27 маусымы сағат 00:00-ден 29 маусым сағат 00: 00-ге дейін қосымша уақытша шектеу шаралары енгізілсін.
- Тыйым салынсын:
1) ойын-сауық, спорттық және өзге де бұқаралық іс-шараларды, сондай-ақ отбасылық, еске алу іс-шараларын (банкеттер, үйлену тойлары, мерейтойлар, ас берулер), оның ішінде үйде және басқа да шараларды көпшіліктің қатысуымен өткізуге;
2) Азаматтардың қозғалысына, мына жағдайларды қоспағанда:
— жұмыс орнынан анықтама (немесе қызметтік анықтама) болған жағдайда, тұрғылықты жерінен жұмыс орнына және кері қарай бару;
— тамақ өнімдерін, дәрі-дәрмектер мен медициналық мақсаттағы бұйымдарды тұрғылықты жері мен жұмыс орнына жақын дүкендер мен дәріханалардан сатып алу;
— шұғыл жағдайларда медициналық ұйымдарға бару;
— тұрғылықты жердің маңында үй жануарларын серуендету;
3) 65 жастан асқан адамдарға аса қажетті жағдай болмаса сыртқа шығуға;
4) келесі объектілердің қызметіне:
— сауда және ойын-сауық орталықтары, сауда орталықтары мен үйлері, азық-түлік және азық-түлік емес базарлар, азық-түлік және азық-түлік емес сауда желілерінің қызметі уақытша тоқтатылсын. Ал, «үй жанындағы дүкендер» форматындағы филиалдардың жұмыс уақыты сағат 10:00-ден 20:00-ге дейін жүргізілсін.
— тамақтану орындарына, алып кету үшін жұмыс істейтін тамақтану орындарын қоспағанда.
— фитнес орталықтары және басқа да спорттық нысандарға;
— сұлулық салондары, шаштараздар, SPA-орталықтар мен салондар және басқа қызмет көрсету объектілеріне;
— қоғамдық моншалар, бассейндер, сауналарға;
— туристік аймақтар (демалыс орындары);
— қоғамдық орындардың жұмыс істеуі: саябақтар, алаңдар, жағалаулар, жағажайлар және басқа да демалыс орындары;
— жедел жәрдем көлігі, жедел қызмет және басқа арнайы органдарды қоспағанда, қоғамдық көліктердің жұмысына, сондай-ақ елді мекендердің тіршілігін қамтамасыз ететін ұйымдардың көлігі.
2. Атырау қаласының және Атырау облысы аудандарының әкімдіктері осы қаулының 1-тармағының орындалуын бақылауды қамтамасыз етсін.
3. Кәсіпкерлік субъектілері:
Сауда орталықтары мен үйлерде, базарларда, қоғамдық көліктерде, азық-түлік және азық-түлік емес тауарлар сату объектілерінде, қызмет көрсету саласы объектілерінде және меншік түріне қарамай жаппай жиналатын басқа жерлерде уақытша тоқтату кезінде кең көлемді дезинфекциялау жұмыстары жүргізілсін;
4. Атырау облысының ішкі саясат басқармасы Атырау қаласы мен аудандарының әкімдерімен бірлесіп бұқаралық ақпарат құралдарында және әлеуметтік желілерде тұрғындарды 2 күнге жететін азық-түлік және қажетті заттар қорын алдын-ала дайындау туралы ақпараттандырсын.
5. Атырау облысының денсаулық сақтау басқармасы алғашқы медициналық көмек ұйымдары мен ауруханаларда жоспарлы медициналық қызмет көрсетуді уақытша тоқтатсын.
6. Атырау облысының полиция департаменті қосымша шектеулерді сақтау үшін патрульдеуді ұйымдастырсын. Заң бұзушылықтар немесе жоғарыда аталған талаптар орындалмаған жағдайда дереу тиісті әкімшілік шараларды қабылдасын;
II. COVID-19-ға сәйкес эпидемиологиялық жағдайды тұрақтандыру үшін өнеркәсіптік кәсіпорындардың, өндіріс орындарының, соның ішінде вахталық әдіспен басқарылатын басшылар:
1) жұмыс ауысымына кірерде қызметкерлердің тұрғылықты жерлерінде ПЦР тестілеуден өтуін қамтамасыз ету.
2) өнеркәсіптік кәсіпорындарда және өндірістік объектілерде санитарлық-эпидемиологиялық шараларды, оның ішінде вахталық әдіспен жұмыс жасайтын кәсіпорындар қызметкерлерінің кету (кіру) тәртібін, Қазақстан Республикасы Мемлекеттік қауіпсіздік және азаматтық іс жүргізу кодексінің 05.22.2020 жылғы №21 ПГГСВ РК №37 қосымшасына сәйкес күшейту.
3) ауысымдық жұмысқа шығатын жұмысшылардың COVID-19 тестілеу кестесінің жоспарын жасайды және ол аумақтық органдармен келісіледі.
III. аудандарда карантин және Атырау облысы бойынша шектеу шараларын енгізу туралы бұған дейін қабылданған қаулылар өз күшінде қалады.
IV. Аталған қаулының орындалуын бақылауды өзіме қалдырамын.
V. Аталған қаулы қол қойылған күннен бастап күшіне енеді.
Ж.Досымбаева,
Атырау облысы Бас мемлекеттік санитариялық дәрігерінің орынбасары
