АТЫРАУ ҚАЛАСЫНЫҢ ӘКІМІ ҚЫЗМЕТІНЕН БОСАТЫЛДЫ

«Атырау қаласының әкімі Қайрат Оразбаев емделу үшін 30 желтоқсаннан бастап жыл сайынғы еңбек демалысын алған болатын.

Бірақ, 10 қаңтар күні жұмысқа кері шақырылып алынды. Алайда келесі күні денсаулығына байланысты еңбекке жарамсыздық парақшасын аштырды.

Облыс әкімінің Өкімімен Қайрат Оразбаев 14 қаңтар күні өз өтініші негізінде Атырау қаласы әкімі қызметінен босатылды. Қазіргі кезде қала әкімі міндетін қала әкімінің орынбасары Жұмабек Қаражанов атқаруда,- деп хабарлайды Атырау облысы әкімінің баспасөз қызметі.