Атырау облысында жыл аяғына дейін 140 шақырымға жуық ​ автомобиль жолы жөнделеді

Жыл аяғына дейін облыста 140 шақырымға жуық жергілікті маңызы бар автомобиль жолдары жөнделеді. Жол жөндеу жұмыстары 37 елді мекенді қамтиды, ​ деп хабарлайды Атырау облысы өңірлік коммуникациялар қызметі.

Бұл туралы онлайн брифингте Атырау облысы жолаушылар көлігі және автомобиль жолдары басқармасы басшысының міндетін атқарушы Самат Айтқалиев мәлімдеді.

• Облыстық маңызы бар «Индер-Қарабау-Миялы-Сағыз» автомобиль жолының​ 87 шақырымды құрайтын Индер-Қарабау аралығын қайта жаңғырту, «Құрманғазы — Теңіз – Бірлік — Байда» жолын күрделі жөндеу, «7 разъезд – Асан – Азғыр – Балқұдық -Сүйіндік» (учаскесі 0-36 км) автомобиль жолын орташа жөндеу, «Ақкөл — Қызылоба-4-ші разъезд-Қиғаш» жолын қайта жаңғырту жоспарда бар.

Сонымен бірге, Қызылқоға ауданының Мұқыр, Сағыз, Жамансор ауылішілік және кірме жолы, Исатай ауданының Нарын елді мекеніне кірме жол, Жанбай және Исатай ауылішілік автомобиль жолы, Құрманғазы ауданында Нұржау, Ақкөл ауылішілік жолдары қайта жаңғыртылуда, — деді спикер.