Атырау облысында дауылды ескерту жарияланды

«Қазгидромет» РМК болжамы бойынша, 18 қаңтарда Атырау облысының солтүстігінде, оңтүстігінде және шығысында ауа райы нашарлап, жаяу бұрқасын, тұман мен көктайғақ күтіледі.

Осыған байланысты облыстық төтенше жағдайлар департаменті тұрғындарға бірнеше сақтық шарасын ұстануды ескертеді.

–Дауыл туралы ескертулер жарияланған кезде, әсіресе түнгі уақытта алыс сапарлардан бас тартып, сыртқа шығудан аулақ болыңыз; Ауа райы мен жол қозғалысы жағдайларын тұрақты түрде бақылап отырыңыз; Балаларды қараусыз қалдырмаңыз және олардың қауіпсіздігін қамтамасыз етіңіз; Қатты аяз кезінде электр құрылғыларын бір уақытта қосу арқылы электр желілерін шамадан тыс жүктемеңіз, пештерді дұрыс пайдаланыңыз; Автокөлікті ашық оттың көмегімен жылыту қауіпті екенін еске саламыз, — делінген департаменттің хабарламасында.

Барлық төтенше жағдай мен оқыс оқиға бойынша 112 немесе 101 нөмірлеріне хабарласқан жөн.

А.НӘСІПҚАЛИҚЫЗЫ

Сурет: atr.kz