Атырау облысы полиция департаменті бастығының орынбасары тағайындалды

Қазақстан Республикасы ҚР Ішкі істер министрі Ержан Саденовтың бұйрығына сай, Атырау облысы полиция департаменті бастығының орынбасары лауазымына полиция полковнигі Ерлан Биғамбаевты тағайындалды.

Аталған департаменттің баспасөз қызметінің хабарлауынша, жаңа лауазымына дейін Ерлан Биғамбаев Атырау облысы полиция департаменті Жергілікті полиция қызметі басқармасының бастығы қызметін атқарған.

Ерлан Валерийұлы – Атырау қаласының тумасы. Ішкі істер органдарындағы қызметін 2002 жылдан бастап, бірнеше басшылық лауазымда атқарған.