«Atyrau Jastar Fest-2025» гала-концерті көрерменге ерекше әсер сыйлады (+фоторепортаж)

Кештің концерттік бағдарламасы да жоғары деңгейде өтуде. Әртүрлі жанрда өнер көрсеткен жергілікті жас таланттар ән айтып, би билеп, көрерменге ерекше көңіл-күй сыйлауда.

Кештің басты оқиғасы – көпшілік асыға күткен Қазақстан эстранасының танымал жұлдыздары ALEM және «6elluchi» тобының өнер көрсетуі. Жастар сүйіп тыңдайтын әнші ALEM сахнада «Kuiim», «Elestet», «Aura», «Daiynbyz ba?» сынды хиттарын орындады. Ал «6elluchi» тобы заманауи ырғақтағы «Миллионер», «Kobelek», «Buyirsa», «Ne kerek», «KZO» әндерін көркем би қойылымдарымен ұштастырып, алаңдағы көрерменді шынайы шоу әлеміне жетелейді.

«Atyrau Jastar Fest-2025» – атыраулық жастардың өнері мен жетістігін дәріптейтін, олардың болашағына сенім ұялататын ерекше мереке ретінде есте қалмақ.

Еркеназ ҚАЛИЖАН
Суреттерді түсірген Ерлан АЛТЫБАЕВ