Атырау-Алматы пойызы трактормен соқтығысуға сәл қалды

Кеше, 18 мамырда «Жосалы – Қызылорда» учаскесінің реттелетін, қорғалмайтын теміржол өткелінде Атырау – Алматы қатынасындағы №42 «Тальго» пойызының машинисі «Беларусь» маркалы трактормен соқтығыспау үшін шұғыл тежеуді қолданды, — деп хабарлайды AtyrauPress тілшісі.

Трактор жүргізушісі жол ережелерін бұзып, жақындап келе жатқан пойыздың алдынан өтіп, оқиға орнынан қашып кетті. Бұл туралы Rail-news.kz жазады. Оқиға туралы ақпарат Қызылорда станциясындағы желілік полиция бөліміне берілді.

Оқиғаның себебі трактор жүргізушісінің жол қозғалысы ережелерін бұзуы болды.

Амандық САҒЫНТАЙҰЛЫ