Атыраулық оқушылар Сарайшыққа саяхат жасады (ФОТО)
Атырау қаласындағы Жұмыскер кентінде орналасқан И.Тайманов атындағы орта мектептің оқушылары жеті хан жерленген Сарайшыққа саяхат жасады.
Сарайшық – Қазақ хандығының ең алғашқы астанасы. Қала Жайық өзенінің жағасында Атырау қаласынан елу шақырым қашықтықта орналасқан. Киелі өлкеге саяхат жасаған оқушылардың мақсаты – орта ғасырлық шаһарды көру, тарихымен танысу. Бұл мектеп ұжымының Елбасымыз Нұрсұлтан Назарбаевтың «Болашаққа бағдар: рухани жаңғыру» атты мақаласына орай ұйымдастырған алғашқы шарасы.
«Хан ордалы Сарайшық» мұражай кешені қызметкерлерінің айтуынша, Сарайшықты көруге шет мемлекеттерден арнайы келетіндер көп.
Оқушылар ата-баба ескерткішіне тағзым етіп, сырға толы Сарайшықтың аңыз әңгімелерін тыңдап, естелік фотосуретке түсті.
Жанар СИДЕН
қазақ тілі мен әдебиеті пәнінің мұғалімі
