Атыраулық кикбоксшылар Будапешт қаласынан жүлделі оралды (ФОТО)

Атыраулық кикбоксшылар Будапешт қаласынан жүлделі оралды. Облыстық дене шынықтыру және спорт басқармасына қарасты жоғары спорт шеберлігі мектебінің кикбоксшылары Венгрияның астанасында өткен ересектер арасындағы әлем біріншілігінде жоғары нәтижелерге қол жеткізген.

Мәселен, Жандос Назарбеков 1-орынға қол жеткізіп, алтыннан алқа тақса, Абзал Дүсіпов 2-інші, ал Жанәлі Сәлімгерей қола жүлдені еншілеген. Атыраулықтардың мұндай үздік нәтижелер көрсетуіне аға жаттықтырушы Данияр Юсуповтың еңбегі зор екенін айтпай кетуге болмас.

Амандық САҒЫНТАЙҰЛЫ

Суреттерді түсірген: Әнуар ӘБІЛҒАЗИЕВ