Жаңалықтар
Атырау облысында жасөспірім мен ер азамат суға батып кетті
Атырау облысында бір күнде жасөспірім мен ер азамат суға батып кетті, деп хабарлайды ҚазАқпарат.
«Қайғылы екі жағдайдың екеуі де суға шомылуға рұқсат етілмеген жерде болды. 16 жастағы жасөспірім Құрманғазы ауданында шомылып жүріп, Қиғаш өзеніне батып кетті. 33 жастағы ер азамат қала маңындағы Бесекті ауылындағы Жайық өзеніне суға кетті»,-деп хабарлады Атырау облыстық Төтенше жағдайлар департаменті.
Төтенше жағдайлар департаментінің өкілдері ер азаматтың екі баланы құтқарамын деп суға кеткендігі жөніндегі ақпаратты растамады да жоққа да шығармады.
