Атырау облысы бойынша құрбандық шалуға 4 орын бекітілген

Атырау облысы бойынша құрбандық шаламын деушілер үшін 4 орын бекітілген. Бұл туралы біздің редакциямызға ҚМДБ-ның Атырау облысы бойынша өкілі, «Иманғали» орталық мешітінің бас имамы, PhD докторы Батыржан Мансұров хабарлады.

– Ислам – тазалық діні. Сондықтан кез келген жерге мал шала беріп, айналамызды ластап, бүлдіруге болмайды. Құрбандық шаламын деушілер үшін қала әкімшілігі 4 орынды бекітіп берді. Көп қабатты үйде тұратын тұрғындар сол жерге барып шалуларына болады, – деді Батыржан Мансұров бізбен әңгімесінде.

Сонымен, қала әкімшілігі құрбандық шалу үшін бекіткен орындар мыналар:

1. «Тума» мал сою цехы.
2. «Асыл-агро» мал сою цехы.
3. «Адал» мал сою цехы.
4. «Умарова» мал сою пункттері.

Нұрсұлтан ЕРТУҒАНҰЛЫ

Суреттерді түсірген: Ерлан АЛТЫБАЕВ.