Атырау өнеркәсібінде өсім бар (ФОТО)

Бүгін облыстың әкімдіктің залында облыстық мәслихаттаң кезектен тыс ХVI сессиясы өтті. Оның жұмысына мәслихат депутаттарынан басқа қала, аудан әкімдері, мәслихаттардың хатшылары, облыстық департаменттер мен басқармалардың басшылары, БАҚ өкілдері қатысты.

Облыс әкімі Нұрлан Ноғаев облыстың әлеуметтік-экономикалық дамуының биылғы жеті айлық қорытындылары туралы есеп берді.

«Өнеркәсіп өнімінің көлемі 3,1 трлн. теңгені, нақты көлем индексі 119,5 пайызды құрап отыр.Тау-кен өнеркәсiбiнде 24 млн. тонна мұнай және 12 млрд. текше метр ілеспе мұнай газы өндіріліп, өткен жылдың сәйкес кезеңіне тиісінше 22,3 және 24,1 пайызға өсіп отыр» деп мәлімдеді аймақ басшысы.

Инфляция деңгейі ағымдағы жылдың жеті айында 4,9 пайызды құрады.

Бақытжан ЖҰМАТ