«Атырау» футбол клубының жаңа директоры тағайындалды

«Атырау» ФК-ның жаңа директоры болып 33 жасар Қонысбай Шпанов тағайындалды. Бұл туралы аталмыш футбол клубтың баспасөз қызметі хабарлады.

Шпанов Қонысбай Әдиұлы — 2002-2003 жылдары Алматы қаласындағы спортқа дарынды балаларға арналған Қ.Ахметов атындағы мектеп-интернатында тәлім алған. Кейін Х.Досмұхамедов атындағы Атырау мемлекеттік университетінде дене шынықтыру және спорт факультетін бітірген. 2010-2012 жылдары инновациялық және телекоммуникациялық жүйелер Қазақстан университетінде құқықтану мамандығын бойынша білім алған.

2017-2018 жылдары Атырау облысы мүгедектер спорт клубы ҚКММ директоры болып қызмет атқарған. Осыған дейін Атырау облысы жоғарғы спорттық шеберлік мектебінің директоры лауазымында болды.

Хорлан Смадияр