Атырауға белгілі актер Санжар Мәдиев келе жатыр

Отандық кино-индустрияның майталмандары Атырауға келеді деп күтілуде. Олардың қатарында қазақстандықтарға көптеген рөлдері арқылы кеңінен таныс Санжар Мәдиев те бар.

Дәлірек айтқанда, 30-31 тамыз аралығында облыс әкімі Нұрлан Ноғаевтың қатысуымен «Saraysik. UPGRADE» атты өңірлік жатсар форуымы өтпек. Оған Ресей Федерациясынан және көршілес аймақтардан делегаттар қатысады. Форумның салтанатты ашылу рәсімі Атырау мұнай және газ университетінің акт залында өтеді. Онда Санжар Мәдиевпен бірге, белгілі режиссер Асқар Бисембин кинематография бағытында, Лаура Маликова экология тақырыбында және Берік Шәріп медцина саласы бойынша тренинг өткізеді деп жоспарлануда. Форум одан әрі Махамбет ауданындағы орта ғасырлық көне қаланың орны – Сарайшық ауылындағы сапарға жалғасады.

Амандық САҒЫНТАЙҰЛЫ